Oktyabrın 31-də Beynəlxalq Muğam Mərkəzində tanınmış tarzən, Xalq Artisti, “Şöhrət” ordenli Ramiz Quliyevin 70 illik yubileyinə həsr edilmiş “Səslən tarım” adlı tədbir keçiriləcək. Tədbir Mədəniyyət və Turizm Nazirliyi və “Mədəniyyət” kanalının birgə təşkilatçılığı ilə gerçəkləşəcək. Tədbirdə sənətkarın həyat və yaradıcılığından danışılacaq, musiqi mədəniyyətimizin inkişafındakı xidmətləri vurğulanacaq. Konsert proqramı ilə davam edəcək konsertdə yubilyarın özü ilə yanaşı, respublikanın tanınmış mədəniyyət və incəsənət xadimləri çıxış edəcəklər. Gecədə ifaçıları Xalq Artisti Adil Bağırovun bədii rəhbərliyi ilə Əhsən Dadaşov adına “Xatirə” Xalq Çalğı Alətləri Ansamblı müşayiət edəcək. Post Views: 1. 801 PAYLAŞIN: Yazı naviqasiyası Məleykə Əsədova: Nə geyinirəmsə, əcəb edirəm Bakıda gəlin toyuna qara paltar geyindi – RESENZİYA