Qitə çempionatının oyunlarını idarə edəcək hakimlər müəyyənləşdi

Yanvarın 30-da Slovaniyada start götürəcək futzal üzrə Avropa çempionatının final mərhələsinin oyunlarını idarə edəcək hakimlərin adları açıqlanıb.

Xaber.org goal.az-a istinadən xəbər verir ki, milli komandamızın da iştirak edəcəyi qitə birinciliyinin oyunlarına ikisi ehtiyat olmaqla 20 hakim dəvət olunub. Maraqlıdır ki, əsas 18 hakim arasına referilərimizdən heç birinin adı daxil edilməyib. Türkiyə, İngiltərə, Finlandiya kimi futzalı zəif ölkələrin ədalət təmsilçiləri qitə birinciliyində iş başında olacaqlar. İspaniya, İtaliya və Macarıstanın hər birində 2 hakim həlledici mərhələyə təyinat alıb. Rusiya, Portuqaliya kimi milli komandası və daxili çempionatı güclü olan ölkələrdən cəmi bir ədalət təmsilçisi iş başında olacaq. Siyahıda Fransa, Çexiya, Xorvatiya, Rumıniya kimi ölkələrin də hakimləri var. Ehtiyat referilərdən biri Yunanıstanı, digəri isə Makedoniyanı təmsil edir. Siyahını diqqətinizə çatdırırıq: Sasa Tomic (Xorvatiya), Ondrej Cerny (Çexiya), Cedric Pelissier (Fransa), Balazs Farkas, Gabor Kovacs (hər ikisi Macarıstan), Marc Birkett (İngiltərə), Xuan Xose Kordero Qallardo, Alejandro Martinez Flores (hər ikisi İspaniya), Angelo Galante, Alessandro Malfer (hər ikisi İtalya), Timo Onatsu (Finlandiya), Eduardo Jose Fernandes Coelho (Portuqaliya), Bogdan Sorescu (Rumıniya), Vladimir Kadykov (Rusiya), Amir Zahovic (Sloveniya), Kamil Cetin (Türkiyə)