0
0
Min illərdən bəri zamanın süzgəcindən keçib bugünümüzə gələn Atalar sözlərimizin biri də, belə səslənir: – “Məsləhətli don gen olar” lakin, indiki xanımlarımız bunu tamamilə təhrif edib “ məsləhətli don dar olar” devizi ilə paltarlarını günbəgün daraldır. Hələ bu azimış kimi parallel şəkildə qısaldırlar.
Təbii ki, həyatda elə şeylər var ki, nə qədər dar olsa bir o qədər də, ürəkaçan və məqsədəuyğundur.
Gəlin cinlə şeytanı dəyişik salmayaq. Necə deyərlər, cin ayrı, şeytan ayrı. “Dar”-ın dona nə dəxli var.
Sovet dönəmində cavanlarımızın kumiri gözəl yazıçı və şairlərimiz, dünya şöhrətli müğənnilərimiz olduğu halda, indi səsi və savadı olmayan ” məsləhətli don dar olar”-deyib səsini yox,əcaib bədənini reklam edən müğənni və aparıcılar gənc qızlarımız üçün “avtoritet”-ə çevrilib.
Axı Atalar hər bir kəlamı tam sınaqdan çıxardıqdan sonra dilə gətirib.
Dar paltar sağlamlığ baxımından olduqca ziyandır. İlk növbədə damarlarda qan dövranının fəaliyyətini zəiflədir. Bu da, müxtəlif xəstəliklərin yaranmasına səbəb olur. Eyni zamanda da qadınlarda sonsuzluq yaradır.
Həmişə dar, rezinəbənzər materialdan hazırlanmış şalvarlı qız görəndə qəlbim ağrıyır. Yazığım gəlir qızlarımıza.
Ailə həyatı qurduqdan sonra vaxtı ilə rezin şalvar geyinmiş bu xanımlar dünyaya uşaq gətirə bilmədiklərindən, düşürlər xəstəxanalara.
İllərlə “dar” geyinib orqanizmini tamami ilə sıradan çıxaranda, valideyinləri qızlarını maarifləndirmək əvəzinə, övladlarının “fiqura”-sı ilə fəxr edirdilər. İndi isə mal-mülkünü qurban verməyə hazırdırlar ki, təki nəvələri olsun.
Odur ki, Ataların vaxti ilə sınaqdan çıxarılmış kəlamlarına əməl edək ki, sonradan xəstəxanaların kəndarında boynumuzu büküb həkimlərə yalvarmayaq.
Ümumiyyətlə bir çox televiziya, mətbu orqanlarda maarifləndirici verilişlər və yazılar yox dərəcəsindədir , ən güclü təbliğat vasitəsi olan televiziyalardan əsl, peşəkar jurnalistlər uzaqlaşdırılıb. Adi insanlar isə bilmirlər ki, aparıcıların əksəriyyəti qələm sahibləri yox, atyor və aktrisalardır. Belə verilişlərdə isə maarifçilikdən başqa hər şey var.
Bəs millətin gələcəyi?
Dar cins geyinib, ərə gedən, sonradan isə dünyaya uşaq gətirə bilməməsi səbəbindən dağılan ailələri kimin ayağına yazaq, ey KİV-ə rəhbərlik edən həmkarlarımız. Bəlkə “ Müsəlmanın sonrakı ağlı”-nı bu dəfə qabağa salaq.
Rza Pənah Xaber.org
.jpg)
