0
0
Read Time:2 Minute, 21 Second
Son günlər Bakı və Təbriz arasındakı get-gəllər, ədəbi söz-söhbətlər hər kəsi düşündürməyə, hətta narahat etməyə başlayıb. Saytlar və sosial şəbəkələrin müzakirə mövzusu olan bu məsələ artıq rəsmi qurumların da diqqətini çəkib.
Sözügedən məsələnin qısa məzmunu nədir?
Yazıçı Həmid Herisçinin şair Sayman Aruza kinayə və qərəzlə səsləndiyi qısa videodan sonra geniş ictimaiyyətə məlum oldu ki, bir neçə gün öncə Azərbaycan Yazıçılar Birliyində xalq yazıçısı Anarın sədrlik etdiyi Güney Azərbaycan komissiyasının yenidən “formalaşma” iclası əslində, öncədən planlaşdırılmış və hansısa xarici və daxili maraqlara xidmət edən qara qüvvələrin ağ inqilab etmə cəhdinin bir parçası imiş. Belə ki, güneyli yazıçı Ramin Cabbarlının geniş təhlillə və faktlarla yazdığı yazıdan bir neçə sual doğuran məsələ aydın olur.
Ramin Cabbarlının yazısının linki
Həmin yazıdan bir neçə detalı qeyd edək:
Güney yazarlarının (hansı ki, o yazarların böyük əksəriyyətinin kimliyi məlum deyil) “narazılıq” bildirdiyi Sayman Aruz vəzifədən uzaqlaşdırıldı, yerinə Sabir Rüstəmxanlı gətirildi:
“Məsələ Sabir bəyin sədr gətirilməsi yox, Həmid Herisçinin sədr müavini edilməsidir. İmza atanların içində olan ciddi yazarların başqa məqsədlərdən xəbəri olmayıb. Bu yazarların dəyişikliyi nəticə kimi görməsi sadəlövhlükdür. Çünki daha öncə müraciətlər olub amma heç bir nəticə olmayıb. Üç ay əvvəl Həmid Herisçi müsahibəsində AYB Güney məsələsi ilə məşğul olmaq istədiyini demişdi. Yəni, etiraz məktubu Həmidin planları nəticəsində olub. Həmid uzun illərdir Təbrizə səfərlər edir. Son üç ayda iki dəfə Təbrizdə olub. Bütün bunlar onun sədr müavini istəyinin nəticəsidir?”.
Bu arada onu da qeyd edək ki, Həmid Herisçinin İranda verdiyi müsahibədə belə bir cümlə işlədir: “Azərbaycanda demokratiya öz məhsulunu itiribdir, İran Azərbaycana demokratiyada nümunə olmalıdır”.
Həmin misahibənin linki:
Tanınmış yazıçı Ramin Cabbarlı qeyd edib ki, Sayman Aruz İranın anti-azərbaycan siyasətini tənqid edir, Həmid Herisçi isə İranın beynəlxalq siyasətini tərif edir:
“Sayman Aruz son illər İran Hakimiyyətinin Qarabağ siyasətini, xüsusilə də ikinci Qarabağ muharibəsi və Zəngəzur məsələsi ilə bağlı tutduğu mövqeyi sərt tənqid edir və bu da fars molla rejiminin narahatlığına səbəb olur. Həmid Herisçi isə öz müsahibəsində belə tərif edir: “müxtəlif etniklərin, azlıqların, dinlərin və dillərin dinc yanaşı yaşaması İranı Ümumdünya İnsan Hüquqları Bəyannaməsinə sadiqliyində unikal modelə çevirib”. Bu iki şəxsin tərif və tənqidini belə sual yaranır: bəlkə bu məsələ ədəbi məsələ deyil, İranı tənqid edənlə tərif edənin əvəz edilməsidir?” – deyə Ramin Cabbarlı bildirib
.
Ramin Cabbarlı onu da qeyd edib ki, Həmid Herisçi öz qəsdini gizlədərək güneyli yazarlardan sui-istifadə edib, sanmıram, bundan sonra onun Təbriz səfərləri rahat keçsin.
Qara qapılar açıldıqca görünən odur ki, burada məsələ Həmid Herisçinin Sayman Aruza qarşı qərəzli mövqeyi yox, qara qüvvələrin qurduğu böyük planların bir parçası ola bilər. Bəlkə də bütün bunlar Azərbaycan hakimiyyətinin Qarabağ zəfəri başda olmaqla, apardığı uğurlu siyasətə qarşı çıxan fars-molla rejiminin ağ inqilabdir? Çünki “ağ inqilab” ifadəsini Həmid Herisçi öz zəfəri kimi dilə gətirir və özünü sanki kimlərəsə bununla sübut edir.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
.jpg)
