0
0
Günay Sığorta” ASC 2022-ci ili 1 milyon 227.5 min manat xalis zərərlə başa vurub. Sığorta şirkəti 2021-ci ildə 1 milyon 125 min manat xalis zərər açıqlamışdı.
“APA-Economics” bu barədə sığorta şirkətinin 2022-ci il üzrə maliyyə hesabatına istinadən xəbər verir.
Ötən il “Günay Sığorta” ASC nın əsas əməliyyat gəlirləri 2021-ci illə müqayisədə 18,6% azalaraq 7 milyon 964,8 min manat, birbaşa toplanan sığorta haqqları isə 18.8% azalaraq 7 milyon 936,4 min manat təşkil edib.
Bu dövrdə sığorta şirkətinin investisiya gəlirləri 57.7% azalaraq 177.2 min manata enib, subroqasiya gəlirləri 66,3% artaraq 231.2 min manata yüksəlib, sair gəlirləri isə 17.6% azalaraq 609.7 min manat olub. “Günay Sığorta” ASC cəmi gəlirləri 8 milyon 693.7 min manat təşkil edib ki, bu da 2021-ci ilə nisbətən 16.2% azdır.
.
.jpg)
