0
0
Hələ heç kim xalqın qisasından yan keçə bilməyib. Paşinyan da bundan qaça bilməyəcək: nə özü, nə də ətrafı.
Bu sözləri News Media holdinqinin təsisçisi Aram Qabrelyanov “Yerevan Today” nəşrinə verdiyi müsahibəsində bildirib.
Aram Qabrelyanov Nikol Paşinyanın istefaya getməməsinin iki variantını açıqlayıb:
“İlk variantı Azərbaycan Prezidenti İlham Əliyevə verdiyi vədlərdir. Hazırda da onları yerinə yetirməyə çalışır. İkincisi isə geri çəkilmənin təhlükəsizliyini bazarlıq etmək cəhdidir”.
“Gün kimi aydındır ki, o, yüz faiz gizlənə biləcəyi bir ölkə tapmaq istəyir. Ancaq sizi inandırıram: bu, onun üçün faydasız bir söhbətdir. Onu heç nə xilas edə bilməz”. Aram Qabrelyanov belə deyib.
O, xatırladıb ki, “Nemesis” əməliyyatının iştirakçıları türkləri deyil, ilk növbədə xain erməniləri öldürüb.
“Nə olursa olsun, Paşinyan xalqın yaddaşında pis adam və xain kimi qalacaq … Və hər halda o, yaşamayacaq, mən təhdid etmirəm, terrorçu deyiləm, amma yaşamayacaq … Yaşamayacağını dəqiq başa düşür … Hər halda, bu, indi, sabah, beş ildən sonra baş tutmasa da, on ilədək çəkməyəcək. Və bütün ailəsi ömrünün sonuna qədər lənətlənəcək”. Qabrelyanov yekunlaşdırıb.
Haşiyə: Açıqlamada Azərbaycan Silahlı Qüvvələrinin Ali Baş Komandanı, Prezident İlham Əliyevin ünvanına deyilən fikirlər şər və böhtandır. Paşinyan kimdir ki, Müzəffər Sərkərdəyə vəd versin. Azərbaycan lideri Prezident kimi andiçmə mərasimlərində əlini Qurana və Konstitusiya kitabına qoyaraq torpaqlarımızın bütövlüyü üçün and içib. O andı də bir Komandan kimi ordumuzun köməyi ilə yerinə yetirdi və bütün sərhədlərimiz bərpa olundu.
Babək Göyüş
.jpg)
